Sefydlwyd Mudiad Meithrin (Mudiad Ysgolion Meithrin yn flaenorol) yn 1971 er mwyn cynnal tirwedd gyfoethog o brofiadau chwarae a dysgu trwy gyfrwng y Gymraeg i blant o’u genedigaeth hyd oedran ysgol.

Fel mudiad gwirfoddol sy’n angerddol ynglŷn ag annog a dathlu’r defnydd o’r Gymraeg, rydym wedi tyfu’n sylweddol dros y blynyddoedd ac yn parhau i ddylanwadu’n gadarnhaol ar fywydau plant yng Nghymru.

Mae’r angerdd, symbyliad a gofal sydd mor amlwg o fewn ein sefydliad yn parhau i ysbrydoli, annog a meithrin cenedlaethau ifancaf Cymru; cenedlaethau a fydd yn ffynnu oherwydd eu hymdeimlad o berthyn, hyder a balchder yn eu galluoedd a’u treftadaeth.