Cyllideb a Llif Arian

Y RHEOL AUR WRTH YSTYRIED CYLLID YW RHAID SICRHAU BOD YR INCWM YN FWY NA’R GWARIANT.

Cyllideb a Llif Arian

• Rhaid gwneud cyllideb ar gyfer y Cylch Meithrin yn flynyddol a’i hadolygu ymhob cyfarfod pwyllgor. (Atodiad 14 Rhagolwg Llif Arian, ac Atodiad 14a Cyllideb Blwyddyn, Atodiad 14b Rhagolwg Llif Arian Gwag)
• Wrth greu’r gyllideb rhaid cytuno ar raddfa ffioedd sy’n ddigonol i sicrhau bod y Cylch Meithrin yn torri’n hafal. (Atodiad 16 Cyllideb Torri’n Hafal, Atodiad 16a Taenlen Torri’n Hafal – manwl, Atodiad 16b Ffurflen Casglu Gwybodaeth Taenlen Torri’n Hafal)
• Cofiwch efallai nad yw ffioedd un plentyn yn talu cyflog un aelod o staff.  Byddwch yn ystyrlon o nifer y plant yn erbyn costau staffio a’r cymarebau staffio:plant. (Atodiad 16 Cyllideb Torri’n Hafal, Atodiad 16a Taenlen Torri’n Hafal – manwl, Atodiad 16b Ffurflen Casglu Gwybodaeth Taenlen Torri’n Hafal)
• Ar ddiwedd pob blwyddyn ariannol mae’n ofynnol gwneud Cyfrifon Blynyddol, rhaid cael rhywun allanol ac annibynnol i archwilio’r cyfrifon. Mae’n ofynnol cyflwyno’r cyfrifon yn y Cyfarfod Cyffredinol Blynyddol; anfonwch gopi y Comisiwn Elusennau www.gov.uk/government/organisations/charity-commission (os ydych yn elusen gofrestredig).
• Mae Llyfrau Cyfrifon ar gael gan Mudiad Meithrin i nodi incwm a gwariant. Nid oes rhaid defnyddio’r rhain; gellid defnyddio system Excel i’w gwneud yn electronig.
• Nid oes rhaid i’r Trysorydd wneud y gwaith yma, gellir talu cyfrifydd neu unigolyn arall i wneud y gwaith yma ar ran y pwyllgor. Nid oes hawl gan y cylch dalu’r Trysorydd am gyflawni’r gwaith nac unrhyw un arall sy’n arwyddo sieciau ar ran y cylch.
• Rhaid cael o leiaf 2 berson i arwyddo sieciau, ni all y rhain fod yn gyflogedig gan y cylch ac ni ddylai’r rhain fod yn aelodau o’r un teulu.
• Mae’n rhaid sicrhau bod systemau cadarn yn eu lle i reoli’r cyllid. Ffordd effeithiol o wneud hyn yw paratoi Cynllun Busnes i’r cylch a’i adolygu’n flynyddol (Atodiad 23 Cynllun Busnes).
• Mae hefyd yn arfer dda i’r cylch greu Cynllun Gweithredu i godi arian i fynd i’r afael ag unrhyw broblemau cyn iddynt fynd yn broblemau mawr. Gweler enghraifft o Gynllun Gweithredu (Atodiad 23a Cynllun Gweithredu Codi Arian a Marchnata). Dylid cadw gwerth tri mis o gostau rhedeg y cylch wrth gefn rhag ofn bod ei angen ar gyfer digwyddiadau na ellir eu rhagweld.