Incwm

Ffioedd

• Er mwyn sicrhau llif arian cyson dylid casglu ffioedd yn rheolaidd ar ddechrau cyfnod wythnosol/misol/tymhorol. Gweler enghreifftiau o sut i gofnodi’r taliadau (Atodiad 17 Anfoneb i Rieni, Atodiad 18  Casglu Ffioedd, Atodiad 19 Cofnod Derbyn Ffioedd).
• Awgrymir sefydlu system o ddebyd uniongyrchol yn hytrach na derbyn arian parod.
• Rhaid sicrhau bod rhieni’n derbyn anfoneb a derbynneb ar gyfer eu taliadau (Atodiad 17 Anfoneb i Rieni ac Atodiad 18  Casglu Ffioedd).

Dyledwyr

• Dylid gwneud popeth posib i osgoi sefyllfa lle mae gan y cylch ddyledwyr.
• Dylid sicrhau bod ffioedd yn cael eu casglu o flaen llaw – ar ddechrau wythnos, mis neu dymor. Dylai hyn fod yn eglur yng Nghytundeb Rhieni a’r Cylch Meithrin (Atodiad 58 Cytundeb Rhwng Cylch Meithrin a Rhieni).
• Os oes sefyllfa’n codi ble mae arian yn ddyledus i’r cylch dylid mynd i’r afael â hyn cyn gynted â phosib. Gweler enghreifftiau o lythyrau posib gall y cylch eu hanfon at ddyledwyr (Atodiad 21 – 21ch Llythyron  Dyledwyr 1–  5):

Cam 1 – llythyr cyntaf i atgoffa rhieni
Cam 2 – llythyr yn rhoi wythnos iddynt dalu
Cam 3 – tynnu’r plentyn allan o’r cylch nes bydd y ddyled wedi’i chlirio
Cam 4 – pythefnos i dalu neu bydd achos cyfreithiol
Cam 5 – rhoi’r achos gerbron y llys

Anfonebau i’r Awdurdod Lleol

os yw’r Cylch Meithrin yn rhan o’r Cynllun Addysg Plant 3 oed, Dechrau’n Deg a/neu’r Cynnig Gofal Plant 30 awr rhaid sicrhau bod anfonebau’n cael eu hanfon i’r adran gywir ac yn brydlon yn ôl gofynion yr Awdurdod Lleol. Gall y Cydlynydd Cefnogi Cylchoedd lleol eich cynghori ar hyn.

Talebau Gofal Plant

Gall rhieni dalu am le eu plant yn y cylch drwy ddefnyddio’r talebau.
Mae’n bosib i gylch gofrestru i dderbyn talebau gofal plant. Proses syml, am fwy o wybodaeth trafodwch gyda’ch Cydlynydd Cefnogi Cylchoedd lleol.

Gofal Plant Di-dreth

• Cynllun gan Lywodraeth Cymru i gynorthwyo rhieni i dalu am ofal plant https://www.gov.uk/help-with-childcare-costs
• Er mwyn bod yn gymwys, rhaid i’r cylch gofrestru gyda Chyllid a Threth Ei Mawrhydi (HMRC) gan ddefnyddio eu cyfeirnod treth unigryw (i’w gael gan eich gweinyddwr cyflogau). (Atodiad 20a Canllaw Cofrestru Gofal Plant Di-dreth).

Grantiau

Yn ychwanegol i’r grantiau Addysg, Dechrau’n Deg ayyb mae modd gwneud ceisiadau am grantiau eraill

• Rhaid cofio bod y mwyafrif o’r grantiau ar gael ar gyfer adnoddau, prosiectau penodol ac nid ar gyfer talu cyflogau a rhent.
• Mae’n bwysig blaenoriaethu ffioedd a grantiau Addysg/Dechrau’n Deg ar gyfer talu cyflogau a rhent.
• Mae modd ymgeisio am grant gan Mudiad Meithrin yn flynyddol.
• Mae gan Mudiad Meithrin swyddogion fydd yn gallu’ch cynorthwyo i ddod o hyd i grantiau perthnasol.
• Gweler canllaw gan Gyngor Gweithredu Gwirfoddol Cymru (Atodiad 20b Grantiau).
• Enghraifft o’r math o wybodaeth i’w gynnwys mewn cais am grant (Atodiad 20c Enghraifft Cais am Grant).
• Grantiau gellir ceisio amdanynt:

Cronfa Gymunedol  https://www.tnlcommunityfund.org.uk/funding/programmes/national-lottery-awards-for-all-wales
Aviva https://www.avivacommunityfund.co.uk/
Cronfa Glyndwr www.cronfaglyndwr.cymru
Cynghorau Tref a Chymuned
Busnesau Lleol

Gall pwyllgorau gael cymorth i ddod o hyd i grantiau a gwneud ceisiadau trwy Gyngor Gweithredu Gwirfoddol Cymru www.wcva.cymru

Codi Arian

• Dylid ceisio trefnu amserlen codi arian am y flwyddyn a gosod amcanion clir o’r hyn sydd ei angen.
• Gellir sefydlu is-bwyllgor codi arian.
• Mae modd gwario’r arian yma ar unrhyw beth perthnasol i’r cylch – gan gynnwys rhent a chyflogau.
• Cyfleodd codi arian cenedlaethol Mudiad Meithrin.
• Syniadau defnyddiol:

Pacio bagiau
Taith gerdded noddedig
Raffl
Cyngerdd
Clwb 100